A la carta

Paez qu’avanza, la ordenación a la carta. Pocu a pocu van aprobándose lleis pa que la ordenación del territoriu y el urbanismu seyan más flexibles. En España delles Comunidaes Autónomes tienen yá lleis pa aprobar proyectos estratéxicos, singulares o d’interés, el nome cambia, la esencia non. Tratáse de acoyer inversiones y acomodar el marcu normativu pa que nun seya ninguna traba pa la so implantación.

Urbanismu, Asturies

Asturies y País Vascu yeren les dos úniques CC.AA. sin normes asemeyaes. Hasta va pocu. Asturies aprobó la Llei PIER (Proyectos d’interés estratexicu rexional) na última sesión del 2024. Esto supón que na más fai falta qu’el gobiernu autonómicu de turnu considere un proyectu como d’interés estratéxicu pa que puea saltase tola normativa de urbanismu y ordenación del territoriu vixente.

Vamos, un casinu en plena selva.