Iniciu
Nesti blogue publíquense conteníos venceyaos a mi docencia e investigación: urbanismu, ordenación del territoriu, xeografía urbana, paisaxe, cartografía, gis, webmapping, etc.
Los conteníos van ser sobre too d’Asturies, lo que nun quita que delles veces apaezcan temes d’interés más xeneral, a otres escales.
Esti blogue fízose gracies al repositoriu the github project.
Artículos
-
Sao Paulo, el planeamiento de la desigualdad
Diba tiempu que nun lleía un llibru de Xeografía Urbana que me prestase tantu. Non solo esplica bien nidio como evolucionó la ciudá de São Paulo, sinón qu’en poques páxines, unes cien, da tou tipu de detalles sobro la importancia del mediu físicu, de lo económicu y lo social, de les decisiones polítiques y sobremanera, de les decisiones del planeamientu urbanísticu y qué influencia tien na configuración del texíu urbano y les sos implicaciones sociales.
-
Manifiestu
El pasáu 11 de payares espublizóse el mio primer llibru editáu por La Fabriquina. El títulu ye Un casinu ente la xungla y ta disponible tamién en castellanu col títulu Un casino en plena jungla. Esti llibru ye’l segundu títulu de la colección Manifiestu y ta prologáu por Nacho Vegas, de quien garré prestao un versu del so cantar La flor de la manzana.
-
Periferies y autocaravanes
Dende va unos meses toi viendo autocaravanes aparcaes nes cais de les periferies urbanes. Al principiu pensé que yeren persones que nun teníen onde dexales y que, en cuenta teneles nun garaxe, aparcábenles na cai. Pero dempués de repetir les mismes rutes varies vegaes decatéme de que nun taben aparcaes, yera xente que vivía nelles. Nun yera xente que taba de pasu, turistes o viaxantes, ye xente que vive ehí dafechu tolos díes.
-
A la carta
Paez qu’avanza, la ordenación a la carta. Pocu a pocu van aprobándose lleis pa que la ordenación del territoriu y el urbanismu seyan más flexibles. En España delles Comunidaes Autónomes tienen yá lleis pa aprobar proyectos estratéxicos, singulares o d’interés, el nome cambia, la esencia non. Tratáse de acoyer inversiones y acomodar el marcu normativu pa que nun seya ninguna traba pa la so implantación.
-
Cocines escondíes, supermercaos pantasmes
Nos caberos años ta espardiéndose un modelu de negociu que puede camudar abondo’l paisaxe urbano nel futuru. Son les cocines escondíes y los supermercaos pantasmes. N’inglés, dark kitchen y ghost supermarket. Delles empreses tán llantando estos negocios en baxos comerciales cola cuenta de sirvir pidíos y comíes a casa nun tiempu máximu de un cuartu de hora. Caracterícense porque nun tienen un mostrador nin tán pensaes para atender al públicu, a cencielles cocínase a toa velocidá o se cuerre per ente los pasiellos cola ayuda de tabletes electróniques y gps p’alcontrar nes estanteríes los productos solicitaos.
-
Afayáivos
Esti ye’l mi primer artículu nel blogue. La mio intención con esti blogue ye publicar articulos curtios sobre temes venceyaos a la Xeografía, l’urbanismu, la ordenación del territoriu y tamién sobre cartografía y webmapping.
subscribe via RSS